தண்டவாள பராமரிப்பு பணிகள் காரணமாக மாற்று பாதையில் இரயில்கள் இயக்கப்படும் என அறிவிப்பு.

சேலம் ஓமலூர் ரயில் நிலைய தண்டவாள பாதையில் தண்டவாள பராமரிப்பு பணிகள் நடைபெற்று வருகிறது இதையொட்டி தர்மபுரி ஓசூர் வழியாக பெங்களூர் ரயில்கள் மாற்றுப்பாதையில் இயக்கம்,  பெங்களூர்- எர்ணாகுளம் இன்டர்சிட்டி ரயில் (வண்டி எண் 02677) பெங்களூர் ரயில் நிலையத்திலிருந்து வரும் 31-ம் தேதி காலை 6:10 மணிக்கு புறப்படும்.

இந்த இரயில் ஓசூர், தர்மபுரி, ஓமலூர் வழியாக செல்லாமல் மாற்று பாதையில் கிருஷ்ணராஜபுரம், பங்காருபேட், குப்பம் வழியாக சேலம் வந்தடையும், இதேபோல் கோவை- லோக்மான்யதிலக் (வண்டி எண் 01014) தினசரி ரயில் வரும் 31-ஆம் தேதி முதல் கோவை ரயில் நிலையத்தில் இருந்து காலை 8 .55 மணிக்கு புறப்பட்டு சேலம், திருப்பத்தூர், குப்பம், பங்காருபேட், கிருஷ்ணராஜபுரம் வழியாக பெங்களூர் ரயில் நிலையம் சென்றடையும், இதேபோல் எர்ணாகுளம்- பெங்களூர் இன்டர்சிட்டி  சிறப்பு ரயில் (வண்டி எண் 02678) வரும் 31ம் தேதி முதல் காலை 9.10 மணிக்கு புறப்பட்டு சேலம் திருப்பத்தூர் குப்பம் பங்காருபேட்டை கிருஷ்ணராஜபுரம் வழியாக பெங்களூர் ரயில் நிலையம் சென்றடையும்.